У Бялынічах прайшоў традыцыйны Дзень грамадзянскай абароны.
У гарадскім парку Ліпавы гай сабраліся больш за два дзясяткі каманд грамадзянскай абароны арганізацый, прадпрыемстваў, устаноў і гаспадарак раёна, каб прадэманстраваць сваю падрыхтаванасць пры ўзнікненні той ці іншай надзвычайнай сітуацыі і гатоўнасць яе прафесійна і аператыўна ліквідаваць.
Распачалося штогадовае маштабнае мерапрыемства з традыцыйнага агульнага пастраення каманд. Затым супрацоўнікі РАНС прадэманстравалі свой прафесіяналізм, тэхнічныя і тэхналагічныя магчымасці на тушэнні пажару.
Адкрыўся Дзень грамадзянскай абароны ўрачыстым узняццем Дзяржаўнага флага Беларусі, якое выканалі пераможцы мінулагодніх спаборніцтваў – прадстаўнікі каманд СВК “Калгас “Радзіма” і ПМК № 241.
З прывітальным словам да дружын звярнуўся намеснік старшыні райвыканкама Дзмітрый ДАВЫДАЎ.
Распачаліся спаборніцтвы конкурсам урачыстага прахаджэння ўсіх дружын строем і з песняй. Потым каманды падзяліліся, і кожная з груп прыступіла да выканання сваіх спецыялізаваных заданняў. Напрыклад, добраахвотныя пажарныя дружыны змагаліся за права называцца лепшымі на гарадскім стадыёне: яны сапернічалі ў пажарнай эстафеце, перацягванні каната. У праграме спаборніцтва санітарных дружын былі конкурсы насценных газет і мастацкай самадзейнасці, па аказанні першай медыцынскай дапамогі параненаму, эвакуацыі пацярпелых з зоны радыяцыйнага паражэння, а таксама і адказы на тэарэтычныя заданні.
Завяршыўся Дзень грамадзянскай абароны ўрачыстай цырымоніяй узнагароджання пераможцаў.
У спаборніцтве паміж санітарнымі дружынамі па агульнай суме набраных балаў першае месца заняла дружына ПМК № 241, другое – райспажыўтаварыства, трэцяе – аддзела ідэалагічнай работы, культуры і па справах моладзі райвыканкама.
У саперніцтве паміж добраахвотнымі пажарнымі дружынамі роўных не было камандзе СВК “Калгас “Радзіма”, а другое і трэцяе месцы дасталіся выратавальнікам ПМК № 241 і лясгаса.
Лепшай санітарнай дружынніцай стала работніца ААТ “Бытпаслугі г. Бялынічы” Алена КАМЛЁВА, а лепшым выратавальнікам – прадстаўнік ААТ “ПМК № 82 Вадбуд” Алег КАШКОЎ.
Пераможцы вучэння па грамадзянскай абароне ўзнагароджаны дыпломамі райвыканкама і грашовымі прэміямі.
Несумненна, правядзенне Дня грамадзянскай абароны садзейнічае павышэнню гатоўнасці органаў кіравання, як і саміх грамадзянскіх фарміраванняў, да кваліфікаванай абароны насельніцтва, аб’ектаў і тэрыторый раёна падчас экстрэмальных сітуацый.
Міхась КАРПЕЧАНКА.
Фота аўтара.
У Бялынічах прайшоў этап абласной летняй спартакіяды работнікаў лясной гаспадаркі Магілёўскага дзяржаўнага вытворчага лесагаспадарчага аб’яднання. На спартыўных пляцоўках і ў басейне ФАКу “Друць” за званне мацнейшых спаборнічалі спартсмены-аматары 13 лясгасаў па міні-футболе, плаванні і падыманні гіры. Сярод бялынічан у асабістым заліку адзначыўся Валянцін ЛУК’ЯНЕЦ, які заняў 3 месца ў плаванні.
Пераможцы і прызёры ва ўсіх дысцыплінах у асабістым і камандным заліках узнагароджаны дыпломамі.
Адным з галоўных фактараў, што ўплываюць на прафесійныя дасягненні той ці іншай арганізацыі, з’яўляецца забеспячэнне бяспечных умоў працы. У ДЛГУ “Бялыніцкі лясгас” выкананню гэтых патрабаванняў працоўнага заканадаўства надаецца асаблівая ўвага.
Паказчыкі дзейнасці гавораць самі за сябе. З 2010 года ў лясгасе не было зарэгістравана ніводнага выпадку вытворчага траўматызму. Па выніках мінулага года арганізацыя заняла першае месца па ахове працы ў раёне, а таксама стала лепшай у гэтай сферы сярод лясгасаў у Магілёўскай вобласці і ў рэспубліцы.
– Бяспечнай працы нашых работнікаў надаецца сапраўды вялікая ўвага, і гэта пытанне знаходзіцца на пастаянным кантролі дырэктара лясгаса Юрыя ЗАБЛОЦКАГА, – распавядае інжынер па ахове працы Святлана КУЗНЯЦОВА. – Толькі за мінулы год на мадэрнізацыю, паляпшэнне працоўных умоў і мерапрыемствы па ахове працы было выдаткавана 2370,7 тыс. рублёў. Працаўнікі лясгаса забяспечаны сродкамі індывідуальнай і калектыўнай абароны, медыкаментамі і рэпелентамі. Тыя, хто працуюць у складаных умовах, атрымліваюць дадатковую грашовую кампенсацыю. Прымяняецца і іншае матэрыяльнае стымуляванне работнікаў. Калі працаўнік за год ніводнага разу не быў на бальнічным, ён атрымлівае грашовую прэмію. Заахвочваем і тых, хто не курыць, прытрымліваецца здаровага ладу жыцця.
Вядзецца ў лясгасе работа і па паляпшэнні ўмоў працы. Структурныя падраздзяленні маюць санітарна-бытавыя памяшканні, абсталяваны пакоі для адпачынку і прыёму ежы. На станцыі пагрузкі драўніны ўстаноўлена аглядальная пляцоўка, дзякуючы якой можна весці назіранне за рабочым працэсам і тым самым аператыўна прадухіляць небяспечныя сітуацыі, якія могуць узнікнуць. Таксама паступова абнаўляецца парк спецтэхнікі. У мінулым годзе, напрыклад, набылі два “Харвестары”, дзякуючы якім зменшылася ручная праца людзей, занятых на лесасеках. У цэху па перапрацоўцы драўніны з’явілася новае высокатэхналагічнае абсталяванне, што таксама паспрыяла як павелічэнню аб’ёму выпуску прадукцыі, так і павышэнню бяспечных умоў працы.
– Нашы спецыялісты, асабліва тыя, што выконваюць работы павышанай небяспечнасці, пастаянна павышаюць узровень прафесійнай падрыхтоўкі, – адзначае Святлана Кузняцова. – Штогод у арганізацыях лясной сферы на раённым, абласным і рэспубліканскім узроўнях праводзяцца спаборніцтвы вальшчыкаў лесу. Такім чынам работнікі лясгаса не толькі павышаюць свой прафесіяналізм, але і самі паказваюць прыклад бяспечнага выканання працоўных абавязкаў.
Святлана МАГІЛЕЎЧЫК.
Фота аўтара
і прадастаўленае лясгасам.
Каждый год весной сход снежного покрова провоцирует усиление пожарной опасности – наступление пожароопасного периода. Дачники, сельские жители активно начинают сжигать мусор и сухую траву. Виновниками пожаров от палов сухой травы в большинстве случаев являются обычные граждане и работники хозяйств, которые пренебрегают элементарными правилами безопасности, забывают о скорости распространения огня и его силе.
Работники лесной охраны ГЛХУ «Белыничский лесхоз» убедительно просят граждан быть осторожными с огнем вблизи лесных массивов и в лесу: брошенный окурок или спичка легко могут уничтожить гектары леса.
Помните, что за выжигание сухой растительности, трав на корню, а также стерни и пожнивных остатков на полях либо непринятие мер по ликвидации палов полагается штраф в размере от десяти до сорока базовых величин.
Страницы: [ 1 ] [ 2 ] [ 3 ] [ 4 ] [ 5 ] [ 6 ] [ 7 ] [ 8 ] [ 9 ] [ 10 ] [ 11 ] [ 12 ] [ 13 ] [ 14 ] [ 15 ] [ 16 ] [ 17 ] [ 18 ] [ 19 ] [ 20 ] [ 21 ] [ 22 ] [ 23 ] [ 24 ] [ 25 ] [ 26 ] [ 27 ] [ 28 ] [ 29 ] [ 30 ] [ 31 ] [ 32 ] [ 33 ] [ 34 ] [ 35 ] [ 36 ] [ 37 ] [ 38 ] [ 39 ] [ 40 ] [ 41 ] [ 42 ] [ 43 ] [ 44 ] [ 45 ] [ 46 ] [ 47 ] [ 48 ] [ 49 ] [ 50 ] [ 51 ] [ 52 ] [ 53 ] [ 54 ] [ 55 ] [ 56 ] [ 57 ] [ 58 ] [ 59 ] [ 60 ] 61 [ 62 ] [ 63 ] [ 64 ] [ 65 ] [ 66 ] [ 67 ] [ 68 ] [ 69 ] [ 70 ] [ 71 ] [ 72 ] [ 73 ] [ 74 ] [ 75 ] [ 76 ] [ 77 ] [ 78 ] [ 79 ] [ 80 ] [ 81 ] [ 82 ] [ 83 ] [ 84 ] [ 85 ] [ 86 ] [ 87 ] [ 88 ] [ 89 ] [ 90 ] [ 91 ] [ 92 ] [ 93 ] [ 94 ] [ 95 ] [ 96 ] [ 97 ] [ 98 ] [ 99 ] [ 100 ] [ 101 ] [ 102 ] [ 103 ] [ 104 ] [ 105 ] [ 106 ] [ 107 ] [ 108 ] [ 109 ] [ 110 ] [ 111 ] [ 112 ] [ 113 ] [ 114 ] [ 115 ] [ 116 ] [ 117 ] [ 118 ] [ 119 ] [ 120 ] [ 121 ] [ 122 ] [ 123 ] [ 124 ] [ 125 ] [ 126 ] [ 127 ] [ 128 ] [ 129 ] [ 130 ] [ 131 ] [ 132 ] [ 133 ] [ 134 ] [ 135 ] [ 136 ] [ 137 ] [ 138 ] [ 139 ] [ 140 ] [ 141 ] [ 142 ] [ 143 ] [ 144 ] [ 145 ] [ 146 ] [ 147 ] [ 148 ] [ 149 ] [ 150 ] [ 151 ]
