График прямых телефонных линий Министерства лесного хозяйства находится под катом.
Сустрэча пераможцаў раённага конкурсу “Працоўны семестр-2017”, прадстаўнікоў райкама ГА “БРСМ” і ДЛГУ “Бялыніцкі лясгас” прайшла ў прэс-цэнтры рэдакцыі газеты “Зара над Друццю”. У час яе былі падведзены вынікі мінулагодняга працоўнага семестра, а таксама намечаны планы на бягучы год.
– У 2017 годзе былі сфарміраваны 8 студатрадаў, у якіх працаваў 101 чалавек, 94 з іх ва ўзросце да 18 гадоў, – распавяла першы сакратар райкама БРСМ Наталля БАРОДЗЬКА. – У тым ліку 5 чалавек з сем`яў, якія знаходзяцца ў сацыяльна небяспечным стане, і трое ўлікоўцаў інспекцыі па справах непаўналетніх РАУС.
Па выніках мінулага года лепшым студатрадам вызначаны экалагічны атрад імя Героя Савецкага Саюза Б.Л. Хігрына СШ № 2. Лепшымі таксама названы яго камандзір Мікіта УСАЎ і камісар Дзіяна УЦЬКОВА. Лепшым куратарам атрада стала іх настаўнік Валянціна РЫТТАР. Лепшай прымаючай арганізацыяй – ДЛГУ “Бялыніцкі лясгас”.
– Кожны год кіраўніцтва лясгаса стараецца арганізаваць працу моладзі ў нашай установе на вышэйшым узроўні, – адзначыла намеснік дырэктара лясгаса па ідэалагічнай рабоце Юлія КУДРАВЕЦ. – У бягучым годзе мы гатовы разгледзець усе прапановы і пажаданні маладога пакалення.
Таксама Юлія Леанідаўна расказала школьнікам, у якіх навучальных установах краіны яны могуць атрымаць вышэйшую або сярэднюю спецыяльную адукацыю ў галіне лясной гаспадаркі.
– Была вельмі задаволена высокай заработнай платай, калі яе атрымала, – адзначае Дзіяна Уцькова. – Акрамя таго, працоўны графік вельмі зручны: з дзевяці гадзін раніцы да абеду. Застаецца шмат вольнага часу, каб займацца сваімі справамі, адпачываць падчас канікул.
Дарэчы, рашэннем Магілёўскага аблвыканкама зацверджаны спіс прымаючых арганізацый на 2018 год. У яго ўвайшлі ДЛГУ “Бялыніцкі лясгас”, БУКП “Жылкамгас”, СВК “Калгас “Радзіма”, ААТ “Новая Друць”. Плануецца прыняць на працу 80 чалавек, але гэта не мяжа – іх можа быць значна больш.
– У нас ёсць галоўнае – патэнцыял і жаданне моладзі працаваць, таму спадзяемся, што ў гэтым годзе вынікі будуць нават лепшыя за папярэднія, – падкрэсліла Наталля Бародзька.
Алена БЫКАВА.
Фізічныя нагрузкі неабходны ўсім, хто хоча быць здаровым і пражыць доўга. Гэта ўсе мы ведаем з дзяцінства. Не павінны заставацца ў баку ад папулярызацыі здаровага ладу жыцця і арганізацыі раёна. Што робіцца ў гэтым накірунку ў ДЛГУ “Бялыніцкі лясгас”, распавяла намеснік дырэктара ўстановы па ідэалагічнай рабоце Юлія КУДРАВЕЦ.
Штогод работнікі арганізацыі ўдзельнічаюць у зімовай і летняй галіновых спартакіядах, а таксама ў круглагадовай спартакіядзе сярод працоўных калектываў раёна па 18 відах спорту. У іх уваходзяць лыжныя гонкі, міні-футбол, настольны тэніс і іншыя.
Мінулай зімой праводзіліся спаборніцтвы па рыбалцы, у якіх прынялі ўдзел Бялыніцкі, Горацкі і Чавускі лясгасы. Наша каманда складалася з Сяргея ІГУМЕНСКАГА, Юрыя БРЫКАВА, Мікалая БАБЦОВА, Аляксандра ЗДАРАВЕНКА і Уладзіміра ВІЦЮГОВА, якія занялі трэцяе месца, а ўражанняў ім хапіла на цэлы год. Дарэчы, само спаборніцтва праходзіла ў спартыўна-аздараўленчым цэнтры “Рудэя”, што ў Чавускім раёне.
– Кожны месяц мы пералічваем грошы ФАКу “Друць” – набываем абанементы на наведванне басейна, трэнажорнай залы, – распавядае Юлія Леанідаўна. – На фізкультурна-масавую работу ў 2017 годзе было выдаткавана каля 22000 рублёў.
Таксама летась у Краснаполлі прайшоў абласны конкурс “Лесаруб-2017”. Там наша каманда ў складзе Андрэя і Сяргея БАРОДЗІЧАЎ, Валерыя СІДАРОВІЧА і Уладзіміра КАЎКОВА заняла першае месца, паказаўшы свае высокія прафесійныя якасці і навыкі.
– Ёсць шэраг работнікаў лясгаса, якіх трэба адзначыць за іх спартыўныя заслугі, – падкрэсліла Юлія Кудравец. – Гэта Юрый ЛЫСКО, удзельнік абласных спаборніцтваў па плаванні, Наталля КОЗЫРАВА, штогадовы абласны прызёр па лыжных гонках, валейбаліст Андрэй ПЛЕХАЎ, лёгкаатлет Любоў ОСІПАВА, гуляе ў валейбол і катаецца на лыжах Мікалай ПЯЦІГОРЫК.
Аб тым, што заахвочвае займацца спортам, карэспандэнту раёнкі распавяла эканаміст лясгаса Любоў Осіпава:
– З самага дзяцінства займалася рознымі відамі спорту: спрабавала сябе ў баскетболе, валейболе, бегу, лыжах, плаванні. Сярод работнікаў усіх лясгасаў вобласці ў мінулым годзе заняла трэцяе месца па лёгкай атлетыцы. Для мяне гэта любімае хобі, нават і ўявіць сваё жыццё без пастаянных фізічных практыкаванняў ужо не атрымліваецца. Спорт зараджае мяне пазітывам і дапамагае падтрымліваць добры настрой.
Дарэчы, ужо сёлета прайшлі спаборніцтвы па лыжных гонках (змяшаная эстафета) у Круглым, дзе каманда работнікаў лясгаса заняла трэцяе месца.
Алена БЫКАВА.
Фота з архіва ДЛГУ
“Бялыніцкі лясгас”.
10 января телеканал ОНТ снял сюжет о заготовке древесины в сложнейших погодных условиях, а также о работе лесхозов в новых условиях в связи с запретом экспорта круглого леса.
Страницы: [ 1 ] [ 2 ] [ 3 ] [ 4 ] [ 5 ] [ 6 ] [ 7 ] [ 8 ] [ 9 ] [ 10 ] [ 11 ] [ 12 ] [ 13 ] [ 14 ] [ 15 ] [ 16 ] [ 17 ] [ 18 ] [ 19 ] [ 20 ] [ 21 ] [ 22 ] [ 23 ] [ 24 ] [ 25 ] [ 26 ] [ 27 ] [ 28 ] [ 29 ] [ 30 ] [ 31 ] [ 32 ] [ 33 ] [ 34 ] [ 35 ] [ 36 ] [ 37 ] [ 38 ] [ 39 ] [ 40 ] [ 41 ] [ 42 ] [ 43 ] [ 44 ] [ 45 ] [ 46 ] [ 47 ] [ 48 ] [ 49 ] [ 50 ] [ 51 ] [ 52 ] [ 53 ] [ 54 ] [ 55 ] [ 56 ] [ 57 ] [ 58 ] [ 59 ] [ 60 ] [ 61 ] [ 62 ] [ 63 ] [ 64 ] [ 65 ] [ 66 ] [ 67 ] [ 68 ] [ 69 ] [ 70 ] [ 71 ] [ 72 ] [ 73 ] [ 74 ] [ 75 ] [ 76 ] 77 [ 78 ] [ 79 ] [ 80 ] [ 81 ] [ 82 ] [ 83 ] [ 84 ] [ 85 ] [ 86 ] [ 87 ] [ 88 ] [ 89 ] [ 90 ] [ 91 ] [ 92 ] [ 93 ] [ 94 ] [ 95 ] [ 96 ] [ 97 ] [ 98 ] [ 99 ] [ 100 ] [ 101 ] [ 102 ] [ 103 ] [ 104 ] [ 105 ] [ 106 ] [ 107 ] [ 108 ] [ 109 ] [ 110 ] [ 111 ] [ 112 ] [ 113 ] [ 114 ] [ 115 ] [ 116 ] [ 117 ] [ 118 ] [ 119 ] [ 120 ] [ 121 ] [ 122 ] [ 123 ] [ 124 ] [ 125 ] [ 126 ] [ 127 ] [ 128 ] [ 129 ] [ 130 ] [ 131 ] [ 132 ] [ 133 ] [ 134 ] [ 135 ] [ 136 ] [ 137 ] [ 138 ] [ 139 ] [ 140 ] [ 141 ] [ 142 ] [ 143 ] [ 144 ] [ 145 ] [ 146 ] [ 147 ] [ 148 ] [ 149 ] [ 150 ] [ 151 ] [ 152 ] [ 153 ] [ 154 ] [ 155 ] [ 156 ] [ 157 ]
