У рамках дабрачыннай акцыі “Нашы дзеці” выхаванцы дзіцячага дома сямейнага тыпу Святланы Хрушчовай атрымалі ад ДЛГУ “Бялыніцкі лясгас” навагоднія падарункі: камплект посуду і цукеркі.
– Гэтыя прэзенты былі набыты на сродкі ад рэалізацыі карпаратыўнага календара, які мы выпусцілі перад Новым годам, – паведаміла намеснік дырэктара лясгаса па ідэалагічнай рабоце Юлія КУДРАВЕЦ. – Падарункі былі для нас нечаканымі, але патрэбнымі. Вельмі ўдзячны ўсім нераўнадушным людзям, хто дапамог стварыць свята для нашых дзетак, – сказала маці-выхавальніца Святлана Хрушчова.
Тэкст і фота Святланы МАГІЛЕЎЧЫК.
Намеснік дырэктара лясгаса па ідэалагічнай рабоце Юлія Кудравец (справа) ўручае дзецям падарункі.